आपुलकी, प्रेम, माया आणि ममतेचा भाव जपणारे माझे गाव तडसर हे कडेगाव तालुक्यातील  परिसरातील एक सुंदर व ऐतिहासिक गाव आहे. गावातील जुने लोक परंपरा, सण आणि रूढी यांची जपणूक करीत आजही सुसंस्कारित वातावरण निर्माण करतात. अनेक जाती-धर्म असले तरीही गाव विविधतेतील एकतेचे उत्तम उदाहरण आहे. तडसर गाव अध्यात्मिक, सामाजिक आणि शैक्षणिक विकासासाठी ओळखले जाते. येथे जेष्ठ नागरिक आणि युवक विविध पदांवर कार्यरत असून समाजकार्यामध्ये सक्रिय आहेत. गावात सैनिकांची संख्या अधिक असून देशसेवेसाठी येथील युवक सदैव तत्पर असतात.

तडसर गावात विविध देवी-देवतांची मंदिरे असून प्रत्येक सण उत्साहाने साजरा केला जातो. विशेषतः श्री छत्रपती शिवाजी महाराजांच्या जयंतीनिमित्त यात्रेचे आयोजन मोठ्या थाटात केले जाते. तसेच गावात कासार समाजाचे प्रसिद्ध कालिका देवी मंदिर आहे, जे श्रद्धेचे केंद्र मानले जाते.

दुष्काळ निवारणासाठी गावात ताकारी योजना राबविण्यात आली असून त्यामुळे शेतीला नवसंजीवनी मिळाली आहे. या योजनेमुळे ऊस, आले, हळद आणि फळबाग यांसारख्या पिकांना मोठा फायदा झाला आहे. त्यामुळे गावातील शेतकऱ्यांचे उत्पन्न वाढले आणि त्यांचा उदरनिर्वाह सुलभ झाला. अशा प्रकारे तडसर हे गाव परंपरा, प्रगती आणि देशसेवेचे सुंदर मिश्रण असलेले एक आदर्श गाव म्हणून ओळखले जाते.